عاجل.. كان ابن موت.. إسماعيل الليثى يكشف اللحظات الأخيرة فى حياة نجله ضاضا

تحدث المطرب إسماعيل الليثي كواليس علاقته بنجله الراحل رضا، الذي رحل عن عالمنا في سبتمبر الماضي إثر حادث أليم قائلا،” رضا ابن عمري، كان نفسي أتجوز وأخلف علشان اسمي ابني رضا على اسم والدي الله يرحمه. كان شقي وبيلعب كتير وكان ابن موت الله يرحمه”.

وتابع إسماعيل الليثي خلال حواره مع الإعلامي عمرو الليثي في برنامج “واحد من الناس” المذاع عبر قناة الحياة: “”. رضا كان صاحبي وأخويا وابني وأحلى حاجة في حياتي، بيني وبين نفسي بقول الحمد لله، يمكن لو عاش كان حصلت له حاجة أو عربية خبطته أو كان عاش معوق، وناس كتير قالت لي إحنا حلمنا برضا، وهو بيقوللك متعيطش وهو مستنيك”.

وتابع: “كان وشه حلو عليا، ويوم ما يقوللي ربنا يكرمك ربنا يكرمني بجد، عايز أمشي في الشوارع كلها ارسم صورته”.

وتصدرت حلقة الإعلامى عمرو الليثى ، فى برنامج واحد من الناس ، مع المطرب إسماعيل الليثى التريند ، بعد حديث الأخير عن اللحظات الأخيرة فى حياة نجله الراحل ضاضا ، وكشف حقيقة انفصاله عن زوجته شيماء بعد تواجدها فى فرح شقيقتها.

وتحدث إسماعيل الليثى عن الجدل الذى أثير حول فرح شقيقة زوجته وعدم مراعاة ظرف الوفاة الذى أصابهم قائلا” الفرح كان أوفر ده ابن بنتهم وهما معملوش بالأصول بس ده مايخصنيش يخصهم هما أنا مايخصنيش غير أم رضا .. أنا بتعاير بالحاجات دى وواحد صاحبى يقولى إيه اللى هما عاملينه ده .. الأصول بتقول يفرحوا بعد 3 أشهر أو 5 أشهر مش بعد أيام”.

ونفى إسماعيل الليثى انفصاله عن زوجته بعد فرح شقيقتها قائلا” دى أم عيالى أنا ماخدتهاش بذنب حد هى أم عيالي وربنا يديها الصحة هى فى ضهرى عالطول .. انا مسامح كل الناس ومسامح نفسي .. أنا بشتغل مطرب بس ولا ليا فى السوشيال ميديا ولا بفتح لايف .. وأم رضا حزينة على ابنها .. بس فى مثل بيقول أعز الولد ولد الولد وهما مراعوش ان ده ابن بنتهم وكل واحد بيعمل بأصله واللى ليه وتربيته.. وأنا علشان خاطر رضا وأم رضا بسامح فى أى حاجة”.

وقال إسماعيل الليثى ” أنا نزلت شغلى بعد الأربعين علشان معايا 30 واحد شغال وعندى اختى واللى ربنا بيقدرنى عليه ولازم أشتغل علشان الالتزامات .. وكنت بشتغل أول يوم بعد رحيل ضاضا ولقيتهم عاملين بوستر لضاضا كبير ولما شفت الصورة بتنزل قلبى وجعنى وفضلت ماشى بعيط”
 

وكان حفل زفاف خالة ضاضا نجل الفنان إسماعيل الليثي قد تصدر محرك البحث جوجل خلال الساعات الماضية وذلك بعد أن احتفلت بزفافها بعد مرور أيام على وفاة ضاضا نجل الفنان إسماعيل الليثي . 

كما تلقت أيضا خالة ضاضا العديد من الانتقادات عبر وسائل التواصل الاجتماعي خلال الساعات الماضية وذلك عند إحياء حفل الزفاف بعد فترة قصيرة من وفاة ضاضا .