في عام 2019 شهدت مصر واقعة هزت المجتمع، بعد تداول فيديو إباحي تظهر خلاله إحدى الممثلات الشهيرات رفقة أخرى، أثناء ممارستهما علاقة جنسية مع مخرج شهير.
وما زالت تلك الواقعة تشغل الرأي العام المصري حتى الآن، مع عودة تلك الممثلة لإثارة الجدل مرة أخرى بعد تبادل الاتهامات مع لاعب كرة شهير.
وحصل “تليجراف مصر”، على نص التحقيقات مع المتهمة الأولى “الممثلة” التي ظهرت في الفيديو رفقة المخرج وجاءت كالتالي:
نص التحقيقات مع الممثلة المتهمة في واقعة المخرج الشهير
وجاء نص التحقيقات في القضية رقم 5 لسنة 2019، والمقيدة بتاريخ 6 فبراير 2019، كالتالي:
س: ما قولك فيما هو منسوب إليك؟
ج: أنا عاوزة أقر بأني أنا اللي موجودة فعلاً في الفيديو، اللي انتشر على المواقع واللي كان معايا فيه “ممثلة أخرى”، واللي صورنا وكان معانا في نفس التوقيت، المخرج السينمائي المعروف، وهو كان في الفترة دي متجوزني في السر “جواز عرفي”.
س: وما هي تحصيلات واقعة تصوير مقاطع الفيديو الإباحية التي انتشرت في الآونة الأخيرة عبر مواقع التواصل الاجتماعي، وما هي ظروفها وملابساتها؟
ج: هي ظروف تصوير الفيديو ده كان من حوالي خمس سنين تقريبا، وتحديداً كان في آخر سنة 2024، وكان المخرج السينمائي الشهير متجوزني عرفي، وفي السر خلال الفترة دي، وأنا كنت بقابله في الشركة بتاعته في أحد الشوارع بمنطقة العجوزة، وفي اليوم اللي حصل فيه الموضوع ده، أنا كنت في الشقة اللي بنتقابل فيها، وهو كان في المكتب بتاعه اللي في الدور الأول، وبعدين فوجئت بباب الشقة بيخبط، ولما فتحت لقيت واحدة بتقولي أنتي مين وجاية هنا في الشقة دي ليه.
وأنا اعترضت عليها وقولت ليها أنتي اللي مين وعايزة إيه، فقامت قالت لي أنا مرات المخرج، هو فين، وأنا قولت لها أنا اللي مراته، وحدثت بيننا مشادة كبيرة وصوت عالي، وعلى إثر ذلك طلع المخرج من مكتبه الخاص في الدور الأول، ولما لقاني بتخانق مع الست دي اللي أنا عرفت اسمها “المتهمة الثانية”، فقام فاصل ما بيننا، وفضل يهدي فينا إحنا الاتنين.
ودخلنا إحنا التلاتة جوه الشقة، وهو فهمني إنه كان متجوزها عرفي من قبلي، وأني لازم أتفاهم معاها وميحصلش بيننا أي مشاكل، وأنا سمعت كلامه، وبدأت أتعامل معاها عادي وقعدنا مع بعض، وفي القاعدة دي إحنا فضلنا نشرب ویسکي، هو كان جايبه في الشقة، وقعدنا نسمع مزيكا وهو علشان يخلينا ناخد على بعض، طلب مني أنا وهي إننا نقوم نرقص، وأثناء ما كنا بننرقص هو طلب مننا إحنا الاتنين نقلع هدومنا بالتدريج، يعني قطعة قطعة من الملابس الداخلية، وهو كان بيصورنا بالموبايل بتاعه وإحنا بنقلع هدومنا أثناء الرقص، وبعد كده مارس معانا الجنس بالشكل اللي ظهر في الفيديوهات، وكان وقتها أيضاً مستمر في التصوير بالموبايل بتاعه في الوقت ده.
س: متى وأين حدث ذلك؟
ج: الكلام ده حصل في سنة 2014 في آخر السنة تقريباً، وكان في الشقة بتاعة المخرج، اللي فوق الشركة بتاعته، وأنا مش حافظه رقم العمارة بالظبط بس أعرف أروح عندها.
س: وما هي علاقتك بالمخرج السينمائي على وجه التحديد؟
ج: هو جوزي وأنا قلت لسيادتك إنه هو كان متجوزني عرفي وقت تصوير الفيديوهات دي، وأنا انفصلت عنه وقطعت علاقتي بيه بعد انتشار الفيديوهات دي بفترة بسيطة.
س: وما هي علاقتك بالمتهمة الثانية الظاهرة معكما في الفيديو؟
ج: هي والمخرج فهموني وقت تصوير الفيديوهات دي إنهم متجوزين عرفي، وأنا علاقتي بدأت من اليوم اللي حضرت فيه للشقة، واللي بدأت بخناقة بيني وبينها، لكن أنا مش عارفة هل المخرج كان متجوزها حقيقي ولا كانوا بيخدعوني بالكلام ده.
س: ومن هم الأشخاص الذين اشتمل عليهم مقاطع الفيديو الإباحية التي انتشرت مؤخراً، وكانوا برفقتك في تلك المقاطع؟
ج: اللي كان موجود معايا في مقاطع الفيديو دي، ممثلة أخرى وكانت صورتها وشكلها واضح مثلي تماما، وكان معانا في المقاطع دي المخرج السينمائي الشهير، لكن هو مظهرش وشه في الفيديوهات دی، لكن جسمه من تحت هو اللي كان ظاهر فقط.
س: ومن القائم بتصوير مقاطع الفيديو الإباحية التي تجمعك بسالفي الذكر؟
ج: المخرج هو اللي كان بيصورنا بنفسه وصوته كان ظاهر، وكان بيصورنا وهو بيمارس الجنس معانا، بالشكل اللي ظهرت عليه الفيديوهات.
س: وهل قام أشخاص آخرون بالاشتراك مع سالف الذكر في عملية تصوير مقاطع الفيديو الإباحية محل التحقيق؟
ج: لا أبداً ماكنش فيه حد بيصور معاه، وهو اللي صورنا كلنا بنفسه، حتى وهو كان بيمارس معانا لكن هو ما كنش يظهر وشه.
س: وما هى عدد المرات التي قام بها سالف الذكر بتصويرك والمتهمة الثانية، في فيديوهات إباحية؟
ج: الكلام ده حصل مرة واحدة فقط، في اليوم اللي جاءت فيه “المتهمة الثانية” إلى الشقة واللي صورني معاها في مقاطع الفيديو، وهو وهي كانوا مفهمني إنهم متجوزين عرفي.
س: ومن هو القائم على بث مقاطع الفيديو الإباحية محل التحقيق عبر مواقع التواصل الاجتماعي على وجه التحديد؟
ج: أنا معرفش مين اللي شير الفيديوهات دي تحديداً، لكن اللي صورها هو المخرج السينمائي وهو صورها بنفسه، وكان محتفظ بالمقاطع دي، ومنطقياً يبقى هو اللي شيرها على النت، أو يكون حد تاني أخذ منه الفيديوهات دي ونشرها، وهو كان مبلغ بسرقة اللاب توب بتاعه، وأنا معرفش الكلام ده صحيح ولا لأ، ممكن يكون هو بلغ بسرقة اللاب توب بتاعه علشان يبرأ نفسه.
س: وما هو قصد المخرج السينمائي من تصوير مقاطع الفيديو الإباحية محل التحقيق؟
ج: هو زي ما فهمني أنه هو بيحب يصور اللقطات اللي زي كده، لأنه بيستمتع بمشاهدتها بعد التصوير، وأنا وافقته على التصوير على أساس إن إحنا متجوزين عرفي، وكنت بحاول أرضيه بأي شكل، لكن أنا مش عارفة هو كان قصده إيه من وراء كده، وخاصة أنه كان قالي أنه مسح الفيديوهات دي قبل كده، وطلع مامسحهاش ولا حاجة.
س: هل لديك ما يثبت سابقة زواجك العرفي من المخرج السينمائي المذكور؟
ج: لأ أنا مش معايا أي إثبات، لكن عقد الزواج العرفي معاه وهو وعدني إنه هايقدمه لأي جهة قانونية، وهايعرف الناس كلها إن أنا كنت مراته وقت تصوير مقاطع الفيديو دي، اللى اتنشرت على المواقع.
س: وأين تتواجد حاليا المتهمة الثانية؟
ج: أنا ما أعرفش هي موجودة فين دلوقتي.
س: منسوب إليك قيامك بتصوير مقاطع فيديو إباحية وبثها على شبكة الإنترنت بالاشتراك مع المدعوة الظاهرة معك، وذلك بقصد التحريض على الفسق والترويج للممارسة الدعارة، فما قولك؟
ج: أنا مصورتش حاجة، واللي صورني أنا والمتهمة الثانية في الفيديوهات دي، هو المخرج السينمائي الشهير، وكان بيصورنا بنفسه وهو بيمارس معانا، وهو اللي تسألوه عن نشر الفيديوهات دي، لأنه هو اللي كان محتفظ بيها.
استكمال التحقيقات مع الممثلة المتهمة في واقعة المخرج الشهير
س: ما قولك فيما هو منسوب إليك من أنك متهمة بتحريض الغير على ارتكاب الفجور والدعارة بأن قمتي ببث مقاطع فيديو عبر مواقع وتطبيقات شبكة المعلومات الدولية (الإنترنت) حال ظهورك في أوضاع إباحية مخلة لحمل غيرك على إثبات تلك الأفعال على النحو المبين بالتحقيقات؟
ج: محصلش.
س: ما قولك فيما هو منسوب إليك من أنك متهمة بالإعلان بطريقة النشر عبر مواقع مواقع وتطبيقات شبكة المعلومات الدولية (الإنترنت) لدعوة تضمنت إغراء بالفجور والدعارة ولفت الأنظار لذلك، من خلال قيامك بنشر عدة مقاطع فيديو تظهري خلالها على تلك المواقع والتطبيقات في أوضاع إباحية مخلة يراها العامة على النحو المبين بالتحقيقات؟
ج: محصلش.
س: ما الذي حدث إذاً، وما هي ظروف ضبطك وإحضارك؟
ج: أنا متجوزة من المخرج السينمائي، وبعد لما حصل تصوير الفيديو، أنا نمت ولما صحيت ملقتش المتهمة التانية موجودة في الشقة، وبعدها أنا سبت المخرج ونزلت على بيتنا، وفي التوقيت ده كان مأجر شقة في منطقة المهندسين كنت قاعدة فيها فترة زواجنا، وبعد فترة فوجئت بصورة منتشرة في برنامج إعلامي شهير بأحد القنوات الفضائية، وقال إنها متاخدة للمخرج مع بنات في أوضاع مخلة، وكانت الصورة عليها تشويش، بس لما شفتها عرفت أن أنا اللي ظاهرة فيها، وكلمت المخرج علشان أفهم أزاي حاجة زي دي تطلع، وقالي أن اللاب توب اللي عليه الفيديوهات اتسرق، وميعرفش مين اللي سرقه ونشر الحاجات دي، وبعد كده هديت الأمور إعلامياً شوية، لحد مافوجئت أن الفيديوهات بتاعتي مع المخرج والمتهمة الثانية، تظهر بشكل تدريجي وعملت ضجة بين الناس على الإنترنت، وكلمت المخرج علشان يشوف حل في الموضوع ده، وقال إنه لو اتسأل هيقول إن إحنا كنا متجوزين، وكلمت المتهمة التانية اللي ظاهرة معايا في الفيديو، علشان نحاول نلاقي حل للموضوع ده، بس مكناش عارفين نعمل إيه، ويوم الأربع اللي فات جالي تليفون من ضابط بالإدارة العامة للآداب وطلب يقابلني، وأنا كنت منتظرة إن حد يكلمني بخصوص الموضوع، لأن أنا كنت عاوزة أطلع أبلغ، وروحت قابلته وطلب مني أروح معاه على الإدارة، وسألوني على الموضوع وحكيت كل اللي حصل بالتفصيل، والنهادرة جيت النيابة وده كل اللي حصل.
س: من كان برفقتك آنذاك؟
ج: أنا روحت قابلت الظابط مع والدتي.
س: ومن القائم على اصطحابك لديوان الإدارة العامة لحماية الآداب؟
ج: ظابط في الإدارة.
س: وما مضمون ما دار بينك وسالف الذكر آنذاك؟
ج: هو سألني عن كل تفاصيل الفيديو اللي انتشر على النت، وحكيتله كل اللي حصل زي ما قولت في النيابة.
س: وكيف نشأت علاقتك بالمخرج السينمائي؟
ج: هو في الأصل كان صاحب والدي الله يرحمه، واتعرفت عليه من خلاله، لكن الأول كانت علاقة عادية.
س: وإلى أي مدى تطورت تلك العلاقة؟
ج: إحنا في الأول حبينا بعض واتجوزنا.
س: ومتى تم ذلك الزواج؟
ج: خلال سنة 2014، مش فاكرة التاريخ بالظبط.
س: وما طبيعة ذلك الزواج؟
ج: هو زواج عرفي.
س: وفي حضور من تم ذلك الزواج؟
ج: الزواج حصل في حضور والدي الله يرحمه، وشقيقي، وابن أخت المخرج، وشخص آخر.
س: وما هي كيفية إثبات ذلك الزواج؟
ج: تم كتابة عقد زواج عرفي بيننا من نسختين.
س: وهل بحوزتك أي منهما؟
ج: لا هو ما ادانيش نسخة، وأعتقد أنه احتفظ بالاتنين معاه.
س: ما الذي حال دون توثيق زواجكما؟
ج: بسبب أنه هو مخرج شهير ومعروف جداً، وكان خايف أن الموضوع ده لو اتعرف يأثر عليه، وكان مفهمني أن الموضوع مسألة وقت وهيعلن زواجنا، ولكن ده محصلش.
س: وإلى متى استمرت العلاقة الزوجية بينكما؟
ج: إحنا اتطلقنا شفوي في أوائل عام 2015، بس مش فاكرة التاريخ بالظبط.
س: وما الذي أدى إلى ذلك الطلاق؟
ج: بسبب المشاكل اللي حصلت بعد اليوم اللي حصل بيننا أنا والمتهمة الثانية، عرفت أن الموضوع ماينفعش وطلبت الطلاق.
س: ما مضمون ما دار بينك وسالف الذكر، حال اجتماعكما والذي حدث خلال الواقعة محل التحقيق؟
ج: زي ما قولت قبل كده إني كنت قاعدة في شقة المخرج مستنياه يطلع من مكتبه، وبعدين فوجئت بباب الشقة بيخبط، ولما فتحت لقيت المتهمة التانية وحصلت بينا خناقة، وهو طلع وفضل يهدينا، وشربنا ويسكي علشان نهدى.
س: وما الذي أسفر عنه ذلك؟
ج: بعد ما بدأنا نهدى هو طلب مني أنا وهي إننا نقوم نرقص، وأثناء ما كنا بننرقص هو طلب مننا إحنا الاتنين نقلع هدومنا بالتدريج، يعني قطعة قطعة من الملابس الداخلية، والموضوع تطور لحد ما وصل لممارسة جماعية على الوضع اللي ظهر في الفيديو.
س: من القائم على تصوير مقاطع الفيديو التي تمت حال قيامكم بممارسة العلاقة أنفة البيان؟
ج: المخرج السينمائي هو اللي كان بيصور كل حاجه بموبايله.
س: ما الذي دعاه لذلك؟
ج: إحنا كنا سكرانين وهو كان بيصور كنوع من الهزار.
س: وما مدى علمك بواقعة تصويرك آنذاك؟
ج: أنا كنت واخدة بالي أنه بيصور، وبسبب تأثير الخمر مكنتش مدركة اللي بيعمله، وعلشان كده ممنعتهوش.
س: ومتى تحديداً نمى إلى عملك واقعة نشر تلك المقاطع على شبكة المعلومات الدولية (الإنترنت)؟
ج: زي ما قولت لحضرتك في عام 2015 من خلال برنامج إعلامي شهير على إحدى القنوات الفضائية، ومع الوقت الفيديوهات بدأت تظهر لحد ما حصلت الضجة الكبيرة على وسائل التواصل الاجتماعي.
س: وأين كان يحتفظ المخرج بتلك الفيديوهات؟
ج: هو كان مفهمني أنها على موبايله وأنه مسحها، ولكن بعد ما الموضوع انتشر وكلمته واتخانقت معاه، قالي إنه نقلهم على اللاب توب بتاعه واتسرق منه.
س: من القائم بنشر تلك المقاطع تحديداً؟
ج: أنا كل اللي أعرفه أن الفيديوهات كانت مع المخرج، وعلى حسب ادعاءه أن اللاب بتاعه اتسرق منه عن طريق بنت كانت جات عنده الشقة، وقالي أنه عمل محضر ثبت فيه واقعة السرقة.
س: ومتى تحديداً بدأ نشر تلك الفيديوهات وتداولها؟
ج: زي ما قولت قبل كده بداية معرفتي بالموضوع كان من خلال برنامج الإعلامي الشهير في عام 2015.
س: ولماذا لم تقومي بالإبلاغ فور علمك؟
ج: المخرج كان رافض إننا نبلغ، وكان مفهمني أنه هيعلن جوازنا بس معملش كده.
س: وما مضمون مقاطع الفيديو التي تم نشرها؟
ج: مقاطع فيديو إباحية.
س: كم عدد المرات التي اجتمعتي فيها مع المتهمة الثانية؟
ج: هي المره دي بس، وأنا بأكد أننا كنا تحت تأثير الخمور.
س: ما تعليقك على وجود أكثر من مقطع فيديو يتضمن وجود مع المتهمة الثانية سالفة الذكر، وأحد الرجال؟
ج: الناس اللي نشرت الفيديو قطعت المقاطع بقصد نشره على مراحل بطريقة ترويجية، علشان يثيروا الرأي العام ضدنا.
س: هل من خلافات بينك وبين المخرج السينمائي؟
ج: لأ أنا خلافي معاه يتمثل في في الموضوع ده، وعدم اتخاذه ثمة إجراء يثبت إننا كنا متجوزين، ورفضه التام إني أبلغ.
س: ما قولك فيما سطره ضابط الإدارة العامة لحماية الآداب في محضره، وما شهد به حال سؤاله في تحقيقات النيابة، أن تحرياته توصلت لقيامك والمتهمة الثانية، بنشر مقاطع الفيديو آنفة البيان، على مواقع وتطبيقات شبكة المعلومات الدولية (الإنترنت) للترويج بنفسكما من خلال إثارة الغرائز الجنسية، بقصد التحريض على الفسق، والترويج للمارسة الدعارة؟
ج: الكلام ده ملهوش أي أساس من الصحة، وأنا مضيت نسخة منها، والمعلومة اللي عندي أن المخرج مسح الفيديوهات، وأنا اللي روحت بنفسي لما الظابط كلمني، ومحدش مسكني ولا قبض عليا، وقولت اللي حصل بالتفصيل هناك.
س: ما تعليقك على ما سطره وشهر به الضابط سالف الذكر؟
ج: أما معرفش.
س: ما علاقتك بالضابط سالف الذكر، وهل توجد خلافات؟
ج: لأ أنا معرفوش.
س: ما قولك فيما أقرته المتهمة الثانية حال استجوابها بالتحقيقات، وأنكرت ما نسب إليها من اتهام، وأضافت بمضمون ما قررت به أنتي سالفاً بالتحقيقات، باستثناء تأكيدها على حضورك أنتي إليها بالشقة حدوث الواقعة (تلوناه عليها تفصيلاً)؟
ج: أنا وهي واقعين في نفس المشكلة مع بعض، ومتضررين من اللي حصل، وإحنا مكناش نعرف أي حاجة عن الفيديوهات، وبالنسبة للاختلاف البسيط في كلامنا وارد أنه يحصل، بس أنا بأكد إني كنت في الشقة وهي جات عليا.
س: ما قولك فيما تبين للنيابة العامة من مطالعة صورة عقد الزواج من أنه مؤرخ يوم الثلاثاء 8\4\2014؟
ج: ده اللي يثبت أن وقت العلاقة اللي حصلت أنا كنت على ذمة المخرج.
س: ما قولك فيما تبين للنيابة العامة بأن التسع مقاطع الأولى مؤرخة في 17\12\2013، والمقطع الأخير مؤرخ في 24\12\2013، في حين أنك أكدتي بالتحقيقات أن المقاطع المصورة التي جمعت بينكي وبين المخرج، تمت في أثناء زواجكما العرفي والتي ثبت بموجب الصورة الضوئية المقدمة لعقد الزواج، أنه مؤرخ في 8\4\2014، فما تعليقك على ذلك؟
ج: عقد الزواج العرفي أصلا مكنش مترخ، وأنا خفت أقول كده في التحقيقات، بجانب أني كنت صغيرة ومش فاكرة التاريخ بالظبط لأنه من وقت كبير، ولكن بأكد أن الفيديوهات دي كانت في فترة زواجنا.
س: ما هي أرقام الهواتف التي كنتي تتواصلي من خلالها مع المخرج؟
ج: أنا مش حفظاها.
س: هل لديك أي سوابق جنائية؟
ج: لأ ده أول مرة يتحقق معايا في النيابة.
س: هل لديكي أقوال أخرى؟
ج: لأ.
